Мемлекет тарапынан ауыл шаруашылығы мен кәсіпкерлікті дамыту бағытында жүйелі қолдау көрсетіліп келеді. Жалпы облыс көлемінде 891 кәсіпорын жұмыс істейді, ал өңдеу өнеркәсібінде шамамен 46 мың адам еңбек етуде. Жуалы аудандық кәсіпкерлік және өнеркәсіп бөлімінің басшысы Руслан Айтбаевтың мәліметінше, ауданда 6500 кәсіпкерлік нысан тіркелген. Оның ішінде 2 орта кәсіпорын, 203 шағын бизнес субъектісі және 2600 жеке кәсіпкер бар. Қалған бөлігі ауыл шаруашылығы саласында қызмет ететін жауапкершілігі шектеулі серіктестіктер мен шаруа қожалықтары. Жалпы алғанда, кәсіпкерлік құрылымдар 700-ден астам адамды тұрақты жұмыспен қамтып отыр.