Кенен Әзірбаев атындағы Жамбыл облыстық филармониясының «Ақкербез» би ансамблі Үндістан Республикасының Харьяна штатындағы Сураджкунд қаласында «Ән мен би керуені» концерттік бағдарламасымен өнер көрсетті. Бұл халықаралық шығармашылық сапар қазақ ұлттық өнерін кеңінен насихаттап, Қазақстан мен Үндістан арасындағы мәдени байланысты нығайту тұрғысынан маңызды болды.