Конституция – кез келген мемлекеттің берік тұғыры, құқықтық жүйенің негізі. Ол азаматтардың құқықтары мен бостандықтарын айқындап қана қоймай, қоғамдағы әділдік пен теңдіктің басты кепілі болып табылады. Заң үстемдігі салтанат құрған елде тұрақтылық пен сенім орнығады.
Бүгінгі өзгерістер мен толықтырулар қоғам сұранысына сай болып, халықтың әл-ауқатын арттыруға бағытталуы тиіс. Әрбір реформа елдің болашағын нығайтып, мемлекеттік басқарудың ашықтығы мен тиімділігін күшейтуге қызмет етуі қажет. Конституцияны құрметтеу – ортақ жауапкершілік, ал оны жетілдіру – уақыт талабы.