Конституция – мемлекетіміздің берік іргетасы мен тәуелсіздігіміздің құқықтық негізі. Ол ел дамуының басты қағидаларын айқындап, билік тармақтарының үйлесімді жұмыс істеуін қамтамасыз етеді.
Ата Заңымызда адам құқықтары мен бостандықтары ең жоғары құндылық ретінде бекітілген. Бұл – әділетті қоғам құруға бағытталған маңызды қадам. Конституция нормалары ел ішіндегі тұрақтылықты сақтап, азаматтардың заң алдындағы теңдігін қамтамасыз етеді.
Әрбір қазақстандық үшін Конституцияны құрметтеу – Отанға деген құрметтің көрінісі. Заң үстемдігі орнаған елде даму да, бірлік те нығая түседі.