Жамбыл облысында тұрғындарды сапалы ауызсумен қамтамасыз ету бағытындағы жүйелі жұмыстар жалғасуда. Осы ретте Қордай ауданына қарасты Күнбатыс-2 ауылында жаңа су құбыры желісінің құрылысы басталып, өңірдегі әлеуметтік инфрақұрылымды дамытуға серпін беретін маңызды жоба қолға алынды.
Аталған жобаның негізгі мақсаты – ауыл тұрғындарын тұрақты әрі қауіпсіз ауызсумен қамтамасыз ету, тұрмыс сапасын жақсарту және ауылдық аумақтардың инфрақұрылымдық әлеуетін арттыру. Тапсырыс беруші – аудандық тұрғын үй-коммуналдық шаруашылық, жолаушылар көлігі және автомобиль жолдары бөлімі.