Жамбыл облысында Халықты әлеуметтік қорғау саласындағы реттеу және бақылау комитетінің облыстық департаменті 2025 жылғы жұмыс қорытындыларын жариялап, 2026 жылға арналған негізгі өзгерістер мен міндеттерді таныстырды. Департамент басшысы А.Оразбековтың мәліметінше, алдағы жылдан бастап зейнетақы мен бірқатар әлеуметтік төлемдердің мөлшері ұлғаяды. Бұл – өңірдегі 440 мыңға жуық әлеуметтік төлем алушы үшін маңызды жаңалық.
Қазіргі таңда облыста 145 мыңға жуық зейнеткер, 45 мың мүгедектігі бар адам, 19,6 мың көп балалы ана, 47,8 мың көп балалы отбасы және 11 мың бала тууы мен күтіміне байланысты жәрдемақы алушы тіркелген. 2025 жылы зейнетақы және әлеуметтік қамтамасыз ету саласында 163 371 мемлекеттік қызмет көрсетіліп, мерзім бұзушылықтарға жол берілмеген.