Тараз қаласындағы қолөнершілер және туризм орталығында «Жаңарған қолтаңба» атты қолданбалы өнер шеберлерінің есептік көрмесі өтті. Іс-шараны «Тараз-Туризм» мекемесі қолөнершілердің кәсіби біліктілігін арттыру жобасы аясында ұйымдастырды. Көрме жергілікті шеберлердің шетелдік тәжірибеден кейінгі шығармашылық жетістіктерін көрсетуімен және өңірдегі дәстүрлі қолөнердің даму мүмкіндіктерін айқындауымен маңызды болды.