Соңғы бес жылда Қазақстанның химия өнеркәсібі тұрақты өсім көрсетіп, өңдеу секторындағы маңызды салалардың біріне айналды. Өткен жылы химия өнеркәсібінің өңдеу өнеркәсібі құрылымындағы үлесі 5,2 пайызға дейін өсіп, бір жыл бұрынғы 4,6 пайыздық көрсеткіштен айтарлықтай артты.
Саланы дамыту мәселелері экономикалық өсімді қамтамасыз ету жөніндегі штабтың кезекті отырысында талқыланды. Өнеркәсіп және құрылыс вице-министрі Олжас Сапарбековтың айтуынша, 2025 жылдың қорытындысы бойынша салада 9,8 пайыз өсім қамтамасыз етілген. Нәтижесінде өндіріс көлемі 1,5 триллион теңгеге жетіп, 2024 жылғы 1,1 триллион теңгемен салыстырғанда 41 пайызға артқан.