Жамбыл облысында жастар арасында салауатты өмір салтын насихаттау және есірткі құқықбұзушылықтарының алдын алу мақсатында «Есірткісіз болашақ» атты жастар спартакиадасы ұйымдастырылды. Спорттық шара жасөспірімдерді белсенді өмір салтына баулып, зиянды әдеттерден аулақ болуға үндейтін маңызды бастамалардың бірі болды.
Іс-шараны Жамбыл облысы полиция департаментінің Есірткі қылмысына қарсы іс-қимыл басқармасы облыс әкімдігі білім басқармасына қарасты «Мөлдір бұлақ» облыстық оқу-сауықтыру орталығымен бірлесіп өткізді. Спартакиада орталықтың спорт кешенінде ұйымдастырылып, оған облыстың әр ауданынан келіп білім алып жатқан мектеп оқушылары қатысты.