Аудандық ардагерлер кеңесінің төрағасы Бақыт Сырлыбаев Құмтиын ауылындағы №2 орта мектепте орналасқан №171 референдум учаскесіне алғашқылардың бірі болып келіп, жаңа Конституция жобасы бойынша республикалық референдумда өз таңдауын жасады.
– Еліміздің азаматы ретінде әділетті Қазақстан құру жолында жасалып жатқан игі бастамаларды қолдап, референдумға қатысып, өз таңдауымды жасадым. Еліміздегі өзгерістер үшін дауыс бердім. Ел болашағын жарқын ету жолындағы тарихи қадамдарды қолдаймын. Жарқын болашақты армандамайтын адам жоқ. Болашақ әділетті, заң мен тәртіп, білім мен парасат үстемдік Қазақстанда, – деді Бақыт Уәлиұлы.
Айта кетерлігі, мемлекет басшысы Қасым-Жомарт Тоқаев азаматтарымыз референдумда жаңа Конституция жобасын қолдап жатса, еліміздің саяси құрылымы түбегейлі өзгеретінін, еліміз мүлдем жаңа конституциялық модельге көшетінін айтқан болатын.
