Көктемнің келуімен бірге ауданда санитарлық тазалық айлығы бастау алды. Осыған орай бүгін барлық мекеме-ұйымдар мен кәсіпорындарда сенбілік ұйымдастырылып, кең көлемде тазалық жұмыстары жүргізілді.
Шара барысында қызметкерлер өз аумақтарын ретке келтіріп, ғимарат айналасын қоқыстан тазартты. Сонымен қатар ағаштарды бұтап, талдарды әктеп, көгалдандыру жұмыстарына да назар аударды.
Жалпыға ортақ іске белсенді түрде атсалысқан ұжымдар санитарлық тазалық айлығына өз үлестерін қосып, ауданның көркеюіне ықпал етті. Мұндай игі бастамалар өңірдің ажарын ашып, келбетінің жақсара түсуіне оң әсерін тигізуде.
