Қасым-Жомарт Тоқаев Алтын Орда тарихына арналған халықаралық симпозиумда сөйлеген сөзінде бұл тақырыптың ұлттық тарих үшін ғана емес, бүкіл әлемдік өркениет үшін де айрықша маңызға ие екенін атап өтті.
Мемлекет басшысы Қазақстанның бастамасына қолдау көрсеткені үшін ЮНЕСКО басшылығына алғыс білдірді. Президенттің айтуынша, симпозиумның дәл осындай беделді халықаралық ұйым аясында өтуі Алтын Орда мұрасының жаһандық деңгейдегі тарихи және мәдени құндылығын айқын көрсетеді.