Әулиеата ауданында тұрғындарды сапалы ауыз сумен қамтамасыз ету бағытында ауқымды жұмыстар жүзеге асырылуда. Соңғы жылдары бірнеше тұрғын алқапта сумен жабдықтау жүйелері жаңартылып, жаңа желілер іске қосылуда.
Атап айтқанда, «Ақжол», «Мичуринец», «Қайнар» және «Родничок» тұрғын алқаптарында ауыз су жүйелерінің құрылысы толық аяқталып, жобалар белгіленген талаптарға сәйкес сараптамадан өтті. Қазіргі уақытта нысандарды қабылдау және тұрғындарды жаңа жүйеге қосу жұмыстары жүргізілуде.
Сонымен қатар «Бектөбе» тұрғын алқабында мыңдаған тұрғын үйді қамтитын су құбырлары тартылып, көптеген аула тұрақты ауыз суға қол жеткізді. Ал «Қызылшарық» тұрғын алқабындағы жүздеген отбасы жаңа су жүйесінің игілігін көруде.
Инженерлік инфрақұрылымды дамыту жұмыстары биыл да жалғасуда. Жоспарға сәйкес бірқатар көшелердегі тозығы жеткен су құбырлары жаңартылып, жаңа желілер тартылуда. Қазіргі таңда Рахмати, Ақша батыр және Қажымұқан көшелерінде ұзындығы бірнеше шақырымды құрайтын ауыз су құбырларын салу жұмыстары қарқынды жүргізіліп жатыр.
Аудан тұрғындарының тұрмыс сапасын арттыруға бағытталған бұл жұмыстар алдағы кезеңдерде де жүйелі түрде жалғасып, елді мекендерді сапалы ауыз сумен қамту көрсеткішін одан әрі жақсартуға мүмкіндік береді.