«Таза қала, таза болашақ» байқауына ұсынылған Жамбыл облыстық «AR-AI» газетінің тілшісі Нұрбақыт Тұтқышбековтің «Тазалық әр ауладан басталады» атты мақаласы қала тазалығы мен қоршаған ортаны қорғау мәдениетін қалыптастыру тақырыбын кеңінен қамтиды. Автор Тараз қаласында атқарылып жатқан абаттандыру, көгалдандыру және санитарлық тазалық жұмыстарын нақты деректер мен тұрғындардың пікірлері арқылы жан-жақты көрсеткен.
Мақалада қаланың тазалығын сақтау тек коммуналдық қызметтердің ғана емес, әрбір тұрғынның азаматтық жауапкершілігі екендігі ерекше атап өтіледі. Сонымен қатар «Таза Қазақстан» экологиялық бастамасының маңызы, қаладағы сенбіліктердің нәтижесі, жасыл желекті көбейту және тұрғындардың қоршаған ортаға деген жанашырлық көзқарасын қалыптастыру мәселелері сөз болады.