ЖАҢА КОНСТИТУЦИЯ ЖЕМІСІ 

Қазіргі таңда экономиканы әртараптандыру, әлеуметтік саланы сауықтыру, жастарға сапалы білім беру және ұлттық құндылықтарды ұлықтау бағытында кешенді жұмыстар жүруде. Осы бастамалардың барлығы Жаңа Конституцияның қағидаттарына негізделген. Сондықтан құқықтық мәдениетті көтеріп, заңға деген құрметті әр азаматтың бойына дарыту – бүгінгі күннің басты талабы.

Бұл орайда ел ішіндегі татулық пен тұрақтылықты сақтауда аудандық Билер кеңесінің де атқаратын жүгі салмақты. Бабалар өнегесін ту еткен кеңес мүшелері дау-жанайды бейбіт жолмен реттеп, жастарды отансүйгіштікке баулып, құқықтық сананы қалыптастыруға зор үлес қосып келеді. Олардың бұл қызметі Ата Заңымызда айшықталған әділетті қоғам құру идеясымен және Құрылтайдың түпкі мақсаттарымен толық ұштасады.

Конституция талаптарын сақтау – тек билік органдарының емес, әрбір азаматтың азаматтық парызы. Заң үстемдігі орныққан жерде гана тұрақтылық пен өркендеу болады. Әділетті қоғам өздігінен құрылмайды, ол – әрқайсымыздың жауапкершілігіміз бен ел тағдырына деген жанашырлығымыздың нәтижесі.

Біздің ортақ мұратымыз – бірлігі бекем, заңға сүйенген, әділетті әрі қуатты Қазақстанды табу. Осы жолда Жаңа Конституция – бағдарымыз, Құрылтай – заңнамалық тірегіміз, ал ел ішіндегі Билер кеңесі сияқты қоғамдық институттар – бірлігіміздің кепілі. Өйткені әділдік бар жерде мемлекет мықты, ал бірлік бар жерде ел қуатты.

Гүлжамал Жайдарбаева, Кәсіпкер