Жер жүзіне тараған халық та, әлемді мойындатқан алып та анадан туған. Қадір ақынша айтқанда: «Отанымыздың өзі солардан басталып, жауларымызға жеткен жерде бітеді». Ал Төлеген ақынша айтқанда: «Олар — теңдесі жоқ құдірет».
Мейірімді жүрек иелеріне лайықты құрмет көрсету мақсатында бүгін Қаратөбе ауылдық округінің әкімі Ғамзат Сағымбеков округтегі аналардың, қыз-келіншектің, ұстаздардың, зейнеткер аналардың басын қосып, көктемнің тағы бір ерекше мерекесі 8 наурыз — Халықаралық әйелдер мерекесімен құттықтады.
Әсем әуенге кезек беріліп, ақжарма тілектер ақтарылды.
Аналар қауымын құттықтаған Ғамзат Мейрамбекұлы аудан әкімі Ерлан Қыдыралыұлының және Қаратөбе ауылдық округі әкімінің жылы лебізі жазылған Алғыс хаттарды табыс етіп, нәзік жандылардың көңілін көктем етті.
Өз кезегінде құрметке бөленген аналар алғысын айтып, ризашылығын білдірді.