«Атадан мал қалғанша, тал қалсын» деген қазақ табиғаттың жандануына, көркеюіне аса мән берген. Көктемнің шуақты мерекесі Әз-Наурыз мейрамы қарсаңында Қарасуды жасыл желекке айналдыруды мақсат еткен округ әкім Самат Селеубаев бүгін өзі бастап тал екті.
– Игі іс-шараның мақсаты — қоршаған ортаны қорғау, еңбекті қадірлеу, тәрбиелеу, экологиялық мәдениетті қалыптастыру, — дейді Самат Апсадықұлы бізбен тілдескенде.
Иә, өз қаражатына 60 түп арша ағашын әкеліп, ауылым алтын бесігім деп елжіреп тұрған мұндай мемлекеттік қызметкерлер аз. Бар болса қане?
Әрбір округтің әкімі ауыл тұрғындарына, кәсіпкерлерге үлгі болып, игілікті істің шамшырағын жақса, ауыл ажары айшықталып, көркейер еді.