Алынған сынамалар артығымен жасалғаны анықталды

Ағымдағы жылдың 26 қыркүйегінде Жамбыл облысы әкімдігі жолаушылар көлігі және автомобиль жолдары басқармасы және «Жол активтерінің ұлттық сапа орталығы» РММ мамандары бірлесіп, облыстық маңызы бар «Тараз-Жетібай-Тегістік-Ойық» автожолының Талас ауданына қарасты 69-83 шақырымы, Байзақ ауданына қарасты 20-40 шақырымық, 40-60 шақырым аралықтарын орта жөндеу нысандарында төселген асфальтобетон жамылғысының қалыңдығын тексеру мақсатына зертханалық сынамалар (керн) алу жұмыстары жүргізілді.

Бұл туралы басқарма басшысы Бақытжан Жәнібеков:

— Нысандардың техникалық құжаттамаларына сәйкес, асфальтобетон жамылғысының қалыңдығы 6 см болуы керек болса, алынған сынамалардың қалыңдығы 6,5 см кем болмады. Алынған сынамалар зертханалық жағдайда тексеріліп, Сапа орталығы тарапынан зертханалық қорытындылар ұсынылатын болады. Аталған бағыттағы жұмыстар басқарма тарапынан апта сайын жүргізілуде және тұрақты бақылауда, — дейді Бақытжан Оразалыұлы.