Жамбыл облысына Қазақстан Республикасы Ішкі істер министрінің орынбасары Ержан Саденов жұмыс сапарымен келді.
Ержан Саденов облыс әкімінің орынбасары Ерболат Ибрайханов және облыстық ПД бастығы Арманбек Баймурзинмен бірге Шу алқабының аумағын аралап шықты.
Бұдан әрі Ержан Саденов Есірткі қылмысына қарсы іс-қимыл жөніндегі өңіраралық бөлімнің әкімшілік корпусына барды. Шу ауданындағы «Дельта Долина» бөлімінің жеке құрамымен танысып, оқу-жаттығу нысандары және техника мен қару-жарақ көрмесін көрді.
2007 жылы құрылған арнайы бөлімше Шу алқабынан есірткіні сақтау орындары мен шығару арналарын орнату, ұйымдасқан қылмыстық топтарды анықтаумен айналысады. Бөлім тек Шу ғана емес, Мойынқұм, Қордай, Меркі және Рысқұлов аудандарын да қамтиды. «Дельта-Долина» жоғары өтімді 12 автокөлікпен және жаңа арнайы құралдармен жабдықталған.
Сапар барысында ҚР Ішкі істер министрінің орынбасары Ержан Саденов есірткі қылмыстарын жедел анықтау бойынша бірқатар тапсырмалар берді.
Одан кейін Шу ауданында «Қарасора-2022» Республикалық жедел алдын алу іс-шарасының аралық қорытындысына арналған кеңес өткізді.
Жамбыл облысының аумағында 148 мың гектардан астам жабайы сора өседі. Ағымдағы жылдың 1 маусымынан бастап «Қарасора-2022» Республикалық жедел-алдын алу іс-шарасы өткізілуде. Жедел алдын алу іс-шарасын жүргізу кезеңінде ведомствоаралық жоспар құрылды, ол мемлекеттік және арнайы органдармен келісілді. Іс-шараны жүргізудің 115 күнінде 233 есірткі қылмысы, оның ішінде 93 қылмыс және 142 қылмыстық теріс қылық дерегі тіркелді. Барлығы 1 т 172 келі 868гр есірткі тәркіленді. Жедел алдын алу іс-шарасы барысында 28 гектар жерден 124 тонна 990 келі есірткі заттары шабу және өртеу арқылы жойылды.
Жабайы сораны жою бойынша жүргізілген іс-шаралар нәтижесінде есірткі айналымына жалпы сомасы 4 500 000 000 теңге тұратын «марихуана» есірткі затының түсуіне жол берілмеді.
Бұл туралы кеңес барысында Жамбыл облысы ПД бастығының орынбасары Нұржан Рахметуллаев баяндады.
Кеңеске қатысушылар есірткі бизнесіне қарсы күрес саласындағы өзекті мәселелерді талқылады.
Облыс әкімінің орынбасары Ерболат Ибрайханов жергілікті атқарушы органдар тарапынан материалдық-техникалық қамтамасыз ету тұрғысынан қажетті қолдау көрсетілетінін атап өтті.