Ел азаматтары айтулы күндегі саяси науқанға белсенді қатысуда.
Әз-Наурыз мерекесі қарсаңында өтіп жатқан кезектен тыс ҚР Парламенті Мәжілісінің және барлық деңгейдегі мәслихат депутаттарының сайлауына Жамбыл ауданынан 35 сайлау учаскесі өз жұмысын Әнұранмен бастап, таңғы 07:00 есігін ашты. Өңірде 52080 сайлаушы тіркелген.
Аудан азаматтары таң сәріден сайлау учаскелерінен табылуда.
1994 сайлаушысы бар №149 сайлау учаскесінде туған күнінде дауыс берген 18 жастағы Г.Абумуталиев алғашқылардың бірі болып тіркелді.
Ол бұл науқан елімізге үлкен өзгеріс әкелетініне сенімді екеніндігін жеткізді.
Алғашқы дауыс берушіге сыйлық табысталды.