Жамбыл аудандық орталық кітапханада «Жемқорлықпен күресу – басты міндетіміз» атты тақырыпта кеңес сағаты өтті. Жиынның басты мақсаты – ҚР «Сыбайлас жемқорлыққа қарсы іс-қимыл туралы» Заңын негізге ала отырып, жастарға құқықтық мағлұмат беру.
№1 орта мектептің жоғары сынып оқушылары қатысқан басқосуда аудандық мәслихаттың депутаты Талап Әбдібеков, «AMANAT» партиясы аудандық филиалының консультанты Бақытжан Кикбаев, №1 орта мектептің кәсіби бағдар беруші маманы Рахат Азаматова сөз алып, ғасыр дертімен күрес бүгінде күрделі де өзекті мәселелердің бірі болып тұрғанын, әлеуметтік кесел мемлекеттің бәсекеге қабілеттілігін едәуір төмендететінін, қоғамда демократиялық қайта құруды жүзеге асыруды тежейтінін, еліміздің халықаралық беделіне нұқсан келтіретінін айтты. Кеңес сағатында «Сыбайлас жемқорлыққа жол жоқ!» атты кітап көрмесіне библиографиялық шолу жасалды. Сондайақ «Сыбайластыққа тосқауыл» атты слайд көпшілік назарына ұсынылды.