Жамбыл ауданы әкімінің орынбасары Ербол Жиенқұлов Қаратөбе ауылдық округінде орналасқан «Алель Агро» жауапкершілігі шектеулі серіктестігінің құс сою алаңына барып, кәсіпорынның бүгінгі жай-күйін көрді.
2021 жылы құрылған кәсіпорынның жобалық құны – 1,2 млрд теңге. Жер көлемі – 7,5 гектар. 150 адамды тұрақты жұмыспен қамтып отырған кәсіпорын тәулігіне 10 тонна құс етін өндіреді. Жұмысшылардың жалақылары атқаратын қызметіне қарай 80-140 мың теңге аралығында. Өндірілген өнімдер елдің түкпір-түкпіріне тасымалдануда. Серіктестік кәсіпорынның жұмысын арттыру, көлемін кеңейту және қайта өңдеу цехтарын ашуды жоспарлап отыр. Кәсіпорынның жұмысымен етене танысқан Ербол Жұмабекұлы жұмысқа жергілікті тұрғындарды тартуға баса назар аудару керектігін жеткізді.