Жамбыл облысының әкімі Ербол Қарашөкеев «Atlantis» компаниясының басқарма төрағасы Гюрсель Аралмен кездесіп, су ресурстарын тиімді пайдалану бойынша жобаларымен танысты деп хабарлайды Asaaqparat.kz.
Түркиялық компания басшысы тамшылатып суару технологияларын дамытуға бағытталған жобаларын Жамбыл облысында жүзеге асыруға ниетті екенін жеткізді.
Кездесуде Ербол Қарашөкеев өңірді суармалы сумен қамтамасыз ету бағытында атқарылып жатқан жұмыстарға кеңінен тоқталды.
Қазіргі таңда облыста бұл жұмыстар бойынша бірнеше бағыт белгіленген. Олар — жер асты су ресурстарын тиімді пайдалану, каналдарды қайта жаңғырту және жөндеу, су қоймаларын салу, ауыл шаруашылығы саласын цифрландыру және су үнемдейтін технологияларды енгізу.