Бүгін еліміздің саяси өміріндегі аса маңызды оқиғалардың бірі – АЭС құрылысына қатысты республикалық референдум барысында ел азаматы ретінде, осы маңызды шараға қатысып, өз таңдауымды жасадым.
Бұл – Қазақстанның болашағына тікелей әсер ететін маңызды қадам және әрбір азаматтың дауыс беруі елдің экономикалық және энергетикалық саясатын айқындауға үлкен ықпалын тигізеді.
Мен үшін бұл референдумға қатысу тек азаматтық борыш қана емес, еліміздің болашағы үшін үлкен жауапкершілік. Таңдауымды жасар алдында бұл тақырыпты жан-жақты зерттеп, сарапшылардың пікірлерін тыңдап, қоғамдағы пікірлерді талқылап, өзіме қажетті ақпаратты жинадым. Сайып келгенде, өз дауысым арқылы еліміздің энергетикалық болашағына сенім артып, таңдау жасадым.
Алдашов Нұржан – Жамбыл аудандық Қоғамдық кеңестің мүшесі