Тараз қаласындағы Бокс сарайында КСРО спорт шебері, Қазақ КСР-інің еңбек сіңірген жаттықтырушысы Кенес Омаровтың құрметіне арналған жастар арасындағы халықаралық бокс турнирі өтіп жатыр. Дүбірлі додаға 2007–2008 жылы туған 200-ден астам жас спортшы қатысып, 13 салмақ дәрежесі бойынша жүлделерді сарапқа салуда. Турнирдің басты мақсаты – болашағынан үміт күттіретін жас боксшыларды анықтап, Қазақстан ұлттық құрамасының резервін қалыптастыру.