Қуандық Бишімбаевқа қатысты тергеу аяқталды деп хабарлайдыAsaaqparat.kz.
Мұндай қатыгездік пен салқынқандылықты бұрын-соңды көрген емеспін, дейді қорғаушы.
Салтанат Нүкенованың отбасының қорғаушысы Жанна Оразбахова өзінің Instagram-дағы парақшасында экс-министр Қуандық Бишімбаевқа қатысты тергеу аяқталғанын хабарлады.
Өткен аптаның соңында бізге Салтанат Нүкенованың өліміне қатысты сотқа дейінгі тергеп-тексерудің аяқталғаны туралы хабарланды. Қазір іс бойынша жүргізілген барлық сараптамамен таныстық. Қылмыстық істің материалдарын толық көрдім, — деп жазды адвокат.
Қорғаушы қазір өлімінің мән-жайын айта алмайтынын жеткізген.
Менің мұндай істер бойынша тәжірибем жеткілікті, бұрын кісі өлтіру істеріне қатыстым, бірақ тіпті сарапшылардың қорытындысы мені таң қалдырды, мұндай қатыгездік пен салқынқандылықты бұрын-соңды көрген емеспін, -деп жазды Жанна Оразбахова.