Саңырауқұлақтан уланып қалмайық!

Көптен күткен көктем айы да келді. Көктемгі жаңбыр жауып, күн күркірегеннен кейін, күн шуағын төге салысымен қырдың құмына қаулап шығар саңырауқұлақты аңсап отырған адамдар қаншама. Саңырауқұлақ халықтың көбі сүйіп жейтін бағалы азық-түлік. Дегенмен, оның жеуге жарамдысымен қатар, улысы да кездеседі. Улылардың ішінде тез әсер етіп, ажал құштыратын болса, жай әсер ететіндері бауыр, бүйрек сияқты өмірлік мәңі зор ағзаларды зақымдайды.

    Саңырауқұлақты теруге барғанда оны жақсы айыра білетін адамдармен бірге барған жөн. Ажырата білмеген жағдайда саңырауқұлаққа қызықпаған дұрыс.

    Уланған кезде білінетін клиникалық белгілер: жүрек айну, құсу, іштің бүріп ауыруы, іштің өтуі, қол-аяқтың тырысуы, көз қарашығының кішіреюуі, тершеңдік, сілекейдің көп ағуы, барған сайын саңдырақтау, галюцинация пайда болады. Егер кез-келген адам саңырауқұлақ жегеннен кейін осындай белгілер пайда болған жағдайда тез арада дәрігерге көріну керек. Дәрігерге бармас бұрын, асқазанды, ішекті жылы сумен, сода немесе марганец ерітіндісімен жуған жөн.

     Абзалы, саңырауқұлақтан уланып қалмайық.

Жамбыл аудандық санитариялық-

эпидемиологиялық бақылау

басқармасының басшысы                                                        Әбділда Ғ.Ә