Өмірлік қиын жағдайға тап болып, аудандық «Отбасын қолдау орталығына» жүгінген азаматшамен профилактикалық жұмыс жүргізілді.
Рейдтік шараға орталықтың психолог маманы Айжан Шалабай, заңгер маманы Мәди Тәжібаев және Жамбыл аудандық полиция бөлімінің Отбасылық-тұрмыстық зорлық-зомбылыққа қарсы күрес тобының аға инспекторы, полиция аға лейтенанты Гүлзат Ерішбай барып, азаматшаның әлеуметтік-құқықтық жағдайы зерделеніп, оған психологиялық және құқықтық кеңестер берді. Сондай-ақ, тұрмыстық зорлық-зомбылықтың алдын алу, құқықтарын қорғау және қажетті мемлекеттік қолдау шаралары жөнінде жан-жақты түсіндіру жұмыстары жүргізілді.